Abozeta kaskabeltza (Recurvirostra avosetta)
Recurvirostridae, Txaradriiformeak
Beste izen batzuk: Abozeta.
Euskarazko izendegi osoa »
Beste hizkuntzetan
- Gaztelania: Avoceta común
- Frantsesa: Avocette élégante
- Ingelesa: Pied avocet
- Okzitaniera: -
- Aragoiera: -
- Katalana: Bec d'alena comú
- Astur Leonesa: Avoceta común
- Galegoa: Avoceta común
- Alemaniera: Säbelschnäbler
- Italiera: Avocetta
Deskribapena
Tamaina ertaineko hegazti limikoloa da abozeta, 45 cm inguruko garaiera eta 67-77 cm bitarteko hego-zabalera baititu. Kolore aldetik zuri-beltza da, gorputz gehiena zuria, baina kaskoa eta lepoa beltzak; hegoetan ere marra zuri-beltzak txandakatzen dira. Mokoa ere beltza da eta nabarmen gorantz okertuta; horixe da bere ezaugarri nabarmenena. Hankak, berriz, luzeak eta urdin-grisaxkak. Hezeguneetan aurkituko dugu, gehienetan ur gazitako eremuetan. Mokoa alde batera eta bestera mugituz elikatzen da ur azalean; bertan aurkitzen dituen krustazeoak eta ornogabe txikiak dira bere elikaduraren oinarria. Espezie soziala da, talde handiak osatzen ditu elikatzeko eta kumatzeko.
Euskal Herrian
Euskal Herrian migrazioan ikusiko ditugu batipat. Paduretan, aintziretan eta gizakiak sortutako eremuetan ere ikus daiteke, gatzagetan, adibidez. Euskal Herrian ez da oso ohiko espeziea.
Entzun
Banaketa mapa
Euskarazko izendegia
Oharrak
Izenari dagokionez, euskaraz ere nazioarteko eredua nagusitu da eta izen zientifikoan azaltzen den "abozeta" erabiltzen da hegazti hau izendatzeko. Ez du beste izen arruntik euskarazko ondare tradizionalean.
Mapa honetan izen nagusiak aurkituko dituzu. Datu guztiak ikusteko begiratu ondorengo taula.
| Aldaera | Eskualdea | Bibliografia |
|---|---|---|
| Abozeta | ||
| Alfangeako aotzi | Bizkaia | LabE (1895) AldJ (1918) |
| Mokobihur | Euskal Herria | Uzei (-datarik gabe-) EliJ (1923) |
| Zankaluze mokogora | SanP (1908) AldJ (1918) Aran (1961) |
** Eskualdea: Ahoz non jaso den.
Grisez, zalantzazkoak edota bibliografian bakarrik jasotakoak.