Beltxarga arrunta (Cygnus olor)
Anatidae, Anseriformeak
Beste izen batzuk: Beltxarga.
Euskarazko izendegi osoa »
Beste hizkuntzetan
- Gaztelania: Cisne vulgar
- Frantsesa: Cygne tuberculé
- Ingelesa: Mute swan
- Okzitaniera: -
- Aragoiera: -
- Katalana: Cigne mut
- Astur Leonesa: Cisne común
- Galegoa: Cisne mudo
- Alemaniera: Höckerschwan
- Italiera: Cigno reale
Deskribapena
Ipar Europa, Errusia eta Erdialdeko Asiako hegaztia da eta neguan hegoalderantz migratzen du. Gure inguruan, migrazio horretan Britainiar uharteetara, Frantziara eta Iberiar penintsula ere iristen dira ale basatiak. Hala ere, gaur egun hirietako parkeetako hegazti ohikoa da eta populazio basatiak eta hiritartuak bereiztea zaila izaten da. Hegazti ederra izanik Ipar Amerikan, Australasian eta Hego Afrikan ere zabaldu da gizakiak eramanda.
Hegazti handia da, arrek metro eta erdiko luzera eta 2'4 metrotako hego-zabalera hartzen dute; emeak pixkat txikiagoak dira. Pisuari dagokionez, oro har 10 kg inguru izaten dituzte, baina 15 kilora ere iritsi daitezke. Hegaztia erabat zuria da eta moko laranja du; mokoari itsatsita luma beltzezko antifaza du. Beltxargaren hankak motzak eta indartsuak dira eta kolore beltza dute.
Beltxargaren gorputz handiak eta hanka motzek lurrean ibiltzeko oso baldarra egiten dute beltxarga, baina uretan oso ongi moldatzen da eta hegakera ere indartsua du.
Entzun
Banaketa mapa
Euskarazko izendegia
Mapa honetan izen nagusiak aurkituko dituzu. Datu guztiak ikusteko begiratu ondorengo taula.
| Aldaera | Eskualdea | Bibliografia |
|---|---|---|
| Beltxarga | Zuberoa, Bizkaia, Lapurdi Itsasegia | IztJ (1847) LabE (1895) AraT (1909) AldJ (1918) EliJ (1923) Aran (1961) GarJ1982 (1982) CasJ (1989) |
| Lepazailu | Euskal Herria | Uzei (-datarik gabe-) |
| Zisne | Donostialdea, Arabako Lautada | LanN1562 (1562) SanI2021 (2021) |
** Eskualdea: Ahoz non jaso den.
Grisez, zalantzazkoak edota bibliografian bakarrik jasotakoak.