Tarina (Spinus spinus)
Fringillidae, Paseriformeak
Beste izen batzuk: Haltz-txori, Kolin/Kolika, Tarin.
Euskarazko izendegi osoa »
Beste hizkuntzetan
- Gaztelania: Lúgano
- Frantsesa: Tarin des aulnes
- Ingelesa: Eurasian Siskin
- Okzitaniera: -
- Aragoiera: Lucano, Luer, Taril
- Katalana: Lluer
- Astur Leonesa: -
- Galegoa: Úbalo
- Alemaniera: Erlenzeisig
- Italiera: Lucherino
Deskribapena
Fringilidoen taldeko hegaztia, txonta, berdeloi eta txokak bezala, garai batean kardantxiloaren genero berean sailkatzen zena (Carduelis generoan). Oso ohikoa da Europa eta Asia erdi eta iparraldeko basoetan. Harrak kolore biziagoak ditu, beltz-berde-horiak; emea apalagoa da, marraduna. Mokolabur eta alejalea da. Espezie monotipikoa da, hau da, ez dauka azpiespezierik. Txori txiki eta aktiboa da, geldirik egotea lortzen ez duen horietakoa. Kumatze-sasoian lotsatiagoa da, baina udazken-neguan talde zabaletan batzen da, baita beste fringilido batzuekin ere (txirriskilekin edo karnabekin, adibidez). Gizakiari ere ez dio berebiziko beldurrik eta nahiko hurretik behatu daiteke; hegaztientzat jarritako jan-tokietara ere maiz hurbiltzen da.
Euskal Herrian
Euskal Herrian neguan ikusi ohi da. Askotan haltzadietan eta erreka bazterretan. Hori dela eta, "haltz-txori" izenez ere ezagutzen da Euskal Herriko zenbait eskualdetan. Iparraldetik gure ingurura negua igarotzera jaisten diren tarinen kopurua asko aldatzen da urtetik urtera, euren kumatze-lurraldean daukaten neguaren arabera (elurteak, janariaren ugaritasuna, eta abar).
Entzun
Banaketa mapa
Tarina Urdaibaiko "Bird Centerren"
Euskarazko izendegia
Mapa honetan izen nagusiak aurkituko dituzu. Datu guztiak ikusteko begiratu ondorengo taula.
| Aldaera | Eskualdea | Bibliografia |
|---|---|---|
| Haltz-txori | Donostialdea, Debagoiena, Debabarrena, Lea Artibai, Gorbeia Inguruak, Goierri | Aran (1961) SanI2021 (2021) |
| Kolin/Kolika | Debagoiena, Gernika-Bermeo | |
| Tarin | Durangaldea, Donostialdea, Debagoiena, Debabarrena, Araba, Bidasoa Beherea, Lea Artibai, Goierri, Estellerriko Ekialdea, Urola-Kostaldea, Tolosaldea | SanP (1908) AldJ (1918) PueF (1952) LopG58 (1958) LeiA60 (1960) LeiA83 (1983) AzpJM (1986) GamI90 (1990) AraI2011 (2011) PerF2017 (2017) SanI2021 (2021) |
| Ddiriñ | Gernika-Bermeo | |
| Orantxori | IztJ (1847) AldJ (1918) |
|
| Pio | Gernika-Bermeo | GalA (1981) |
| Ttorro | Zuberoa | CasJ (1989) |
** Eskualdea: Ahoz non jaso den.
Grisez, zalantzazkoak edota bibliografian bakarrik jasotakoak.