Ubarroi mottoduna (Phalacrocorax aristotelis)
Phalacrocoracidae, Pelekaniformeak
Beste izen batzuk: Bolborin, Broju.
Euskarazko izendegi osoa »
Beste hizkuntzetan
- Gaztelania: Cormorán moñudo
- Frantsesa: Cormoran huppé
- Ingelesa: European Shag
- Okzitaniera: -
- Aragoiera: Gallo marino de tufa
- Katalana: Corb marí emplomallat
- Astur Leonesa: -
- Galegoa: Corvo mariño cristado
- Alemaniera: Krähenscharbe
- Italiera: Marangone dal ciuffo
Deskribapena
Euskal Herrian aurkituko ditugun bi ubarroi espezieen artean txikiena. Kumaldi hasieran motots nabarmena dauka (gainontzean ez). Ubarroi handiarekin konparatuta, pixkat txikiagoa da eta, batez ere, lerdenagoa: buru txikiagoa, lepo finagoa, jarrera lirainagoa. Hegan egiteko moduagatik ere ezberdintzen dira, ubarroi mottodunak hegaztada arinagoa daukalako eta, normalean, ur-azaletik oso gertu egiten duelako hegan (ubarroi handiak, oro har, goraxeago egiten du hegan). Hegaldian, lepoari begiratzea komeni da biak ezberdintzeko, ubarroi mottodunak luze eta finagoa duelako. Koloreari dagokionez, helduak beltz-beltzak dira, gehienbat uda partean (neguan pixkat motelagoa dute beltz hori).
Euskal Herrian
Euskal Herrian bi ubarroi ditugu, Ubarroi handia eta Ubarroi mottoduna. Ubarroi handia askoz ugariagoa da eta oso erraz ikusiko dugu gure erreka, aintzira, hondartza eta kaietan. Aldiz, Euskal Herrian kumatzen duen bakarra ubarroi mottoduna da. Gure kostaldeko labar eta harkaitzetan kumatzen duten bikote gutxi batzuk dira.
Entzun
Bideoa - Ubarroi mottoduna euskal kostaldean
Bideoa - Ubarroi mottodunaren egoera eta arazoa Asturiasen
Ubarroi mottodunak gaur egun Asturiasko kostaldean bizi duen egoera azaltzen duen dokumental laburra. Besteak beste, arrantzak bere populazioan duen eragina azaltzen da. Euskal Herriko egoera ere antzekoa da.
Euskarazko izendegia
Oharrak
Ubarroien izenei dagokienez, normalean izen bera jaso izan dute ubarroi espezie biek; herritarrek ez dituzte ezberdintzen ubarroi handia eta ubarroi mottoduna. Izen zerrenda osoa ikusteko, begiratu Ubarroi handiaren fitxan.
Mapa honetan izen nagusiak aurkituko dituzu. Datu guztiak ikusteko begiratu ondorengo taula.
| Aldaera | Eskualdea | Bibliografia |
|---|---|---|
| Bolborin | Bidasoa Beherea | AraT (1909) EliJ (1923) Aran (1961) |
| Broju | Bidasoa Beherea | SagT (2005) |
| Itsas-bele | AldJ (1918) | |
| Ubarroi mottodun | Euskal Herria | Uzei (-datarik gabe-) |
| Ugapetzaile | Bizkaia | LabE (1895) AldJ (1918) |
** Eskualdea: Ahoz non jaso den.
Grisez, zalantzazkoak edota bibliografian bakarrik jasotakoak.